'ეს სიტუაცია ძაბავს მას' - ახალი გუნდები ზურიკოს სატრანსფერო სიაში

Foot Mercato-ს ფრანგი ჟურნალისტები სებასტიენ დენი და ჟოსუე კასე ზურიკო დავითაშვილის სავარაუდო ტრანსფერთან დაკავშირებით ახალ ინფორმაცის აქვეყნებენ. მათი ინფორმაციით, ზურიკო დავითაშვილი საკმაოდ რთულ სიტუაციაშია, რადგან მის გუნდს, სენტ ეტიენს კვლავ მიაჩნია, რომ ქართველი ფეხბურთელი არ იყიდება. "მწვანეებმა" ლიგა 1-ში ადგილი დაკარგეს და დაქვეითდნენ. "ეს სიტუაცია ძაბავს შემტევს ნახევარმცველს - მას სურს უმაღლეს დივიზიონში თამაშში, სასურველია სხვა ევროპულ კლუბში. ამიტომ მოსალოდნელია, ფეხბურთელის მხრიდან კლუბთან მიმართებაში ტონი გამკაცრდეს", - წერს გამოცემა - "მის სიტუაციას თვალს რენი, სტრასბური, სევილია, მიონხენგლადბახი და ევერტონი ადევნებენ". ამ სიაში ვეღარ ვხედავთ ბოლონიას, რომლის შესახებაც ბოლო დღეებში აქტიურად წერდნენ. ზურიკო დავითაშვილს სენტ ეტიენთან კონტრაქტი 2028 წლის ზაფხულამდე აკავშირებს. გასულ სეზონში მან ლიგა 1-ის 33 მატჩში თავი 9 გოლთან ერთად 8 საგოლე პასით გამოიჩინა."მწვანეები" ლიგა 2-ის პირველ ტურში 9 აგვისტოს ლავალთან სტუმრობენ. "ვნერვიულობდი და ახლა გაბრაზებული ვარ! გაბრაზებული ვარ იმ ადამიანებზე, რომლებმაც შეცდომები დაუშვეს. გაბრაზებული ვარ KNVB-ზე (ნიდერლანდების ფეხბურთის ასოციაცია) წესების ასე მკაცრად გამოყენების გამო. ეს ჩემთვის ზედმეტად ნიდერლანდური გადაწყვეტილებაა, უბრალოდ თვალის დახუჭვა არ შეიძლება? როგორც ჩანს, ამის გამოსწორება შეუძლებელია. რას ვეუბნებით ბავშვებს, რომლებიც ვიტესის აკადემიაში არიან? ნაიმეგენში წავიდნენ თუ აიაქსში? მოსამართლემ ესეც უნდა გაითვალისწინოს", - ამბობს გურამი. "ჯერ კიდევ არის მცირე შანსი, ყველაფერი ბოლომდე არ დასრულებულა. ისინი ყველაფერს აკეთებენ კლუბის გადასარჩენად, ვიცნობ იმ ადამიანებს, ვინც ამას აკეთებს და იმედი მაქვს, რომ საქმეს გამოასწორებენ. წინააღმდეგ შემთხვევაში, ეს ძალიან სამწუხარო იქნება. ვიტესს მხარდაჭერა სჭირდება, ამ ეტაპზე წესებზე მაღლა ადამიანური მხარე უნდა დააყენონ. არავის სურს ვიტესის გაქრობა, მაშინ, რატომ უნდა გააკეთონ ეს? ასეთი ტრადიციული კლუბის დაკარგვა უბრალოდ არ შეიძლება". ვეტერანმა ქართველმა მცველმა აღნიშნა, რომ ვიტესი მისი ცხოვრების ნაწილია და ეს კლუბი ზოგიერთი ადამიანის სულელური შეცდომების გამო არ უნდა დაისაჯოს: "ეს კლუბი ჩემი ცხოვრების ნაწილია, ჩემი ცხოვრების უდიდესი ნაწილი. ჩემი პროფესიული მატჩების უმეტესობა ვიტესში ჩავატარე და დღემდე მის მიმართ ძლიერი გრძნობები მაქვს. სისულელე იქნებოდა თუ კლუბი განადგურდებოდა იმ ადამიანების სულელური შეცდომებით, რომლებიც თავიანთ საქმეს სათანადოდ არ ასრულებდნენ. ფეხბურთის ასოციაცია ვიტესს უნდა დაეხმაროს, ვფიქრობ, ყველას სურს კლუბის გადარჩენა, თუნდაც ნაიმეგენში. მესმის, რომ ისინი წესებით არიან შებოჭილი, მაგრამ რაღაც უნდა გააკეთონ. მე და ჩემი შვილი ყოველ უიკ ენდზე ვიტესზე ვსაუბრობთ და მალე ეს კავშირი შეიძლება დავკარგოთ".